PAGO skólinn, námskeið og kennslu-myndbönd
LÆRÐU AÐ BYGGJA ÚR DURISOL KUBBUM. Námskeiðið er ókeypis og opið öllum. Vegna Covid hefur næsta námskeiði verið frestað til 11. FEBRÚAR 2021. Það verður sem fyrr haldið hjá Iðunni fræðslusetri, Vatnagörðum 20 í Reykjavík.
Hluti námskeiðsins er verklegur þar sem þátttakendum gefst færi á að meðhöndla byggingarubbana. Farið verður í ýmsa eiginleika þeirra eins og brunaþol, þol gagnvart raka og myglu, hljóðvist og einangurnargildi. Fjallað verður um aðferðir við byggingu húsa úr kubbunum og kynntur kostnaður.
Hér að neðan má sjá nokkur myndskeið frá byggingu sambýlis fyrir Hafnarfjarðarbæ. Húsið er um 500 fm og í því eru sex íbúðir ásamt sameiginlegu rými og aðstöðu fyrir starfsfólk.
Allir burðarveggir og útveggir hússins með einangrun, járnabindingum og steypuhellingu voru reistir með byggingarkubbum frá PAGO Húsum á um það bil fjórum vikum. Fyrsti steinninn var lagður í lok febrúar, þannig að veggir hússins risu í mars mánuði 2020 gegnum gular og appelsínugular veðurviðvaranir.
Myndskeiðin hér að neðan gefa innsýn í það hvernig staðið var að byggingu þessa tiltekna húss.
1. Gólfplatan // Vatnslás // Skipulag
2. Hurða-og gluggarammar // Vinklar // Áður en fyrsta kubbaröð er lögð
3. Lasergeisli // Vinklar
4. Verklag // Hleðsla hafin
5. Fyrsta kubbaröð // Karmar og stífur
6. Horn og járnabindingar // Járnabindingar í framhaldi af steypuhellingu
7. Stífur og veðurviðvaranir
8. Laskað til styrkingar eftir að steypuhólfi hefur verið fórnað.
9. Kubburinn
10. Frágangur yfir glugga